Bara! Vidéo sô ayeke fa na mo tongana nyen ti iri ambulance tongana ye ti ngangu asi gbâgburu.
Pika zéro ota (000) ti iri ambulance tongana terê ti mo wala ti mbeni zo ason ngangu, wala mbeni zo awara kä na yâ ti accident.
Mo lingbi ti hunda ti tene mbeni interprète amû maboko san ti payé. Tongana mo hinga ni nzoni ape, iri ambulance.
Mo yeke iri ambulance tongana:
- yâ ti kate ti mo ason wala aserré
- ngangu ahunzi na lê ti mo, maboko ti mo, gere ti mo wala mo sâra tënë gbä
- mênë ti mo ayuru me akaï ape
- mo wu gbä
- mo évanouir na mo tï
- yâ ti atêrë ti mo ayeke gboto
- wâ agbi mo ngangu
- wala mbeni zo awara kä na yâ ti accident wala mbeni zo nde la apika lo na kä.
Mo yeke iri ambulance tongana molenge ti mo:
- atï kobela gï hio tongaso
- lo wu gbä
- lê ti lo achangé wala terê ti yanga ti lo achangé couleur
- lango asara gï lo wala lo sara tënë ape
- yâ ti têrë ti lo ayeke gboto
- lo wara mbeni kota accident wala kota kä wala bio ti têrë ti lo afâ .
Tongana mo pika zéro ota (000), zo sô ayeke mû telephone ni ayeke hunda ‘Police, Fire or Ambulance?’. Mo yeke tene ‘Ambulance’.
Lo yeke hunda ande lo tene ‘Suburb and State’. Mo yeke fa ande ndo ti mo na tenengo ‘Townsville’, and Queensland.
Mo lingbi ti hunda na zo ni ti tene mbeni interprète amû maboko na mo san ti payé na tenengo: ‘I need an interpreter in Sango or French.’
A yeke hunda peut-être ngoi mingi ti wara mbeni interprète ; ni la tara ti fa na zo ni adresse ti mo na anglais, tongana mo peut, na ngbâ na téléphone.
Asi ka sô lo lingbi ti tokua ambulance ni hio.
A lingbi mo fa na lo aye sô tongana lo hunda:
- Ndo sô mo yeke dä
- Numéro ti telephone na iri ti mo
- Fa na lo ndali ti nyen a yeke urgent
- Ye ni asi tongana nyen ?
- Azo oke la awara kä wala ayeke kobela ?
- Mo yeke na terê ti zo ni ?
- Ngu ti lo ayeke oke?
- Lê ti lo angbâ na zingo ni ?
- Lo ngbâ ti wu ?
Interprète ni ayeke fa atënë ti mo na zo ni na lo yeke tokua ambulance tongana a hunda ti sara tongaso.
Na Queensland, a yeke payé ambulance ape.
Na ngoi sô mo yeke ku ambulance ni, ngbâ na télépone juska ambulance ni aga.
Interprète ni alingbi ti fa mo tongana nyen ti aidé zo sô ayeke na kobela wala kä.
Na ngoi sô mo yeke ku ambulance, ngbâ na terê ti zo ti kobela ni.
Tongana lege ayeke dä, gi carte Medicare ti zo ti kobela ni (tongana lo yeke na ni), carte ti seni ti lo, assurance ti kobela, ayorö so lo yeke nyon nga na asango na ndö ti GP ti lo.
Tongana mo ngbâ na téléphone, tene na interprète ni sô ambulance ni asi awe.
Azo ti ambulance ni ayeke bâ lege ti zo ti kobela ni.
Interprète ni ayeke tene na mo ande na ngoi wa mo yeke kanga téléphone ni.
Mo lingbi ti hunda na azo ti ambulance ni ti duti na terê ti zo ti kobela ni juska na hôpital.
Mo lingbi ti hunda ti tene interprète amû maboko na mo senge senge na yâ ti ambulance nga na hôpital.
Ambeni lango/yenga na pekoni …
Girisa ape ti mû rendez-vous na GP ti bâ peko ti seni ti zo ni na pekoni.
Tongana a yeke ye sô asi gbâgburu ape me mo bezoin wango, iri 13 HEALTH na 13 43 25 84 ti sara tënë na mbeni infirmier. Mo lingbi ti hunda ti tene mbeni interprète amû maboko senge senge.